الكشري المصرى على طريقة المطاعم .
الكشرى المصرى من الاطباق المصريه الاصيله .
ولان تناول الكشرى فى المطاعم له مذاق خاص .
سوف نتعرف على الكشرى المصرى على طريقة المطاعم واسرار الكشرى .
الكشرى المصرى من الاطباق المصريه الاصيله .
ولان تناول الكشرى فى المطاعم له مذاق خاص .
سوف نتعرف على الكشرى المصرى على طريقة المطاعم واسرار الكشرى .
المقادير .
دي بتاعتكم انتم كل واحده تعمل الكميه
اللي عايزاها وعلى عدد أفراد اسرتها
الطريقه .
اول حاجه طبعاا قطع خمس بصلات كبار واحط عليهم كوبايه زيت واحمرهم لحد لونهم مايبقى دهبي واصفيه كويس من الزيت وافردو على مناديل عشان يفضل ناشف ومقرمش .
طريقه الرز .
حطي حله على النار وحطي فيها نص الزيت بتاع تحمير البصل وحطي كوبايه شعريه وحمريها لحد لونها مايبقى دهبي وحطي كيلو رز وربع عدس اصفر اغسليهم كويس وصفيهم وانزلي بيهم على الشعريه المتحمره وحطي ملح ومكعب مرقه وقلبي دقيقتين وزوديه مايه عادي زي الرز العادي وغطي عليه ولما بتشرب هدى عليه خالص لحد مايستوي
طريقه العدس بجبه .
هاتي العدس نقيه كويس واسلقيه ولما يستوي حطي معلقه سمنه بلدي كبيره تقدح او زيده وانزلي بالعدس ورشي ملح وفلفل وكمون شوخيه ثلاث دقايق واطفى .
طريقه الصلصه .
حطي شويه زيت من زيت تحمير البصل في حله وحطي معلقه توم مفروم صغيره وقليها دقيقه بس وحطي عصير الطماطم وثلاث معالق صلصه كبار وملح وفلفل وكمون ومعلقه صغيره سكر وسيبيها تتسبك خالص ولما تتسبك حطي كوبايتين مايه ولما تغلى اطفي .
الصلصه المشطشطه .
هاتي الخلاط وحطي فيه ربع الصلصه بتاعتك وحطي قرن فلفل احمر حامي ومعلقه شطه وربع كوبايه زيت واخلطيهم
طريقه الدقه زي المحلات .
حطي معلقه توم كبيره مفرومه وحطي عليها كوبايتين مايه وربع كوبايه خل وعصير ليمونه ومعلقه ملح وقلبيهم كويس أوووي وبس
طريقه سلق الحمص .
هاتي الحمص وانقعيه من بالليل واسلقيه
لحد مايستطرا خالص وبلاش تحطي ليه ملح عشان يستوي بسرعه ومايبقاش مجرمز
طريقه المكرونه .
اسلقي المكرونه عادي جدا وصفيها وحطي صنيه على النار او حله وحطي فيها اربع معالق كبار من زيت تحمير البصل يسخنو جامد وحطي المكرونه وقلبيها خمس دقايق على النار واطفي كدا عمرها ماهتمسك في بعضها
طريقه السكب .
هاتي طبق حطي فيه المكرونه وبعدين الرز وبعدين العدس وبعدين الحمص وبعدين التقليه ورشي دقه ورشي صلصه حاميه وورشي صلصه عاديه وحطي التقليه على الوش وكلي أحلي واطعم واجمل طبق كشري ممكن تكليه في حياتك طعمه تحفه وريحته تجنن جربوه وهتشوفو الفرق احلى من بره مليون مره وخللي جانبه بتنجان وممكن تسلقي بيض او تحمري بطاطس او هو لوحده عادي
يااارب يعجبكم ويكون سهل عليكم ❤️❤️
=====================================
=====================================
طريقه اخرى لعمل الكشرى .
المقادير .
ارز + مكرونه اسباجتى + مكرونه بنا .
عدس اصفر + عدس بنى .
حمص منقوع فى الماء لمدة ثلاث ساعات .
عصير طماطم + بصل + شعريه + زيت نباتى + ثوم مهروس .
ملح + كمون + شطه حسب الرغبه .
طريقة التحضير .
1 - قطعي البصل الى شرائح ثم رشي عليه دقيق وملح وحمرّيه فى كمية من الزيت مع التقليب المستمر حتى يصبح ذهبياً ومقرمشاً
2 - صفي البصل من الزيت جيداً على ورق مطبخ لامتصاص الدهون الزائدة .
3 - اسلقي الحمص فى كمية كافية من الماء ، وأضيفي ملعقة صغيرة من الثوم المفروم والملح والكمون.
4 - في قدر به ماء مملح مغلي، اسلقي المكرونة وصفيها، ثم قلبيها مع ملعقتان من زيت تحمير البصل حتى لا تلتصق.
5 - اسلقي العدس الاسمر وأضيفي له ملح وكمون و3 فصوص ثوم مهروس .
6 - حمري الشعيرية فى جزء من الزيت المتبقي ثم أضيفي الأرز بعد غسله بالماء وأضيفي العدس الاصفر مع الماء الساخن واضيفي قليلاً من الملح والكمون .
7- افرمي الثوم مع الملح وخذي منه ملعقة كبيرة وضعيها مع ملعقتين زيت وحمري الثوم وأضيفي عصير الطماطم والملح وثوم مفروم نئ، ثم اتركي الصلصة حتى تصبح سميكة القوام.
8 - افصلي 3 أكواب من ماء الحمص بعد سلقه ، وأضيفي إليها ملعقة من الثوم المفروم مع عصير ليمون، واتركيهم يغلوا على النار لمدة دقيقة واحدة على النار " لعمل الدقة"، ثم اتركيه جانباً .
9 - حضري صلصة الشطة بإضافة ملعقة صغيرة شطة إلى نصف كمية الصلصة الجاهزة لتغلي دقيقة واحدة مع كوب من الزيت المحمر بيه البصل .
10- لتقديم الكشري ، نضع الأرز بصحن التقديم أولاً ، ثم نصف كمية العدس ، ثم المكرونة ، ثم نصف كمية العدس ، ثم رشة من البصل المحمر ، ثم انثري حبات الحمص المسلوق على وجه الطبق ، ثم رشي قليلاً من الصلصة والشطة حسب الرغبة
11- يقدم الكشري ساخناً وإلى جانبه أوعية صغيرة من الصلصة والدقة والبصل والحمص المسلوق .
وبالهناء والشفاء .