الفطير الكداب .
☆☆☆☆☆
للي بيحبوا الفطير هنعمله بطريقه سهله جميله ومش مكلفه
**المقادير :
نص لفة جلاش..((او حسب عدد الفطاير ...الواحده بتاخد ورقتين جلاش ))
لازم يكون الجلاش طازه
4 معالق سمنه او زبده
نص كيلو لبن
4 معالق كبيره سكر ((لتحلية اللبن))
ورقة فانيليا .
سكر او عسل ابيض .
زبيب و جوز هند او سوداني مفروم او اي مكسرات مفرومه
**الطريقه :
نغلي اللبن ونحليه بالسكر وننزل عليه بالفانيليا
نفرد وقة جلاش وندهنها سمنه ونحط ورقه تاني وندهنها وممكن نحط مكسرات او سوداني او زبيب وجوز هند...وممكن ساده
نبدأ نطبق ورق الجلاش على شكل مربع اومثلث.
نسخن طاسه تيفال ونبدا نحمرها تستوي نقلبها عالوش التاني
نحط الفطيره في اللبن ونطلعها ممكن نرشها سكر او عسل ابيض...وممكن نرشها جوز هند او سوداني مفروم ونقدمها
وبالف هنا .
