☆ صنية عجة بالبيض . عجة البيض .
تتعدد طرق ووصفات تحضير الطعام في مطبخنا العربي ، ويشتهر كل مطبخ بأصناف لذيذة وسريعة ، وتعتبر العجة من أسهل الوصفات التي تحضر بعدة طرق ونكهات مميزة، وباتت منتشرة على مستوى العالم .
- عجه بالبيض اكله جميله ومغذيه تعتبر وجبة متكامله وسهله جدا
- **المقادير :
- 6 - بيضات .
- 3 - معالق كبيره دقيق .
- 5 - بصلات كبار .
- 3 - حزم بقدونس .
- فلفلتين رومي ...واحده حراق اختياري .
- طمطمايه صغيره .
- معلقة ملح .
- ربع معلقة فلفل اسود .
- معلقة صغيره بيكنج بودر .
- معلقه كبيره كمون .
- معلقه كبيره نعناع .
- رشة زعتر .
- ربع كوباية زيت .
- معلقة زيت ومعلقتين دقيق لتبطين الصنيه .
- ** طريقه التحضير :.
- نقطع البقدونس مفروم ناعم .
- نقطع الفلفل والطماطم مكعبات صغيره .
- نقطع البصل مكعبات صغيره .
- نضيف البيكنج بودر للدقيق ونخلطهم .
- نضع صينيه على النار ثم نضع قليل من الزيت ثم نضيف البصل يشوح حتى يصل الى اللون الزهبى . ثم نضيف الفلفل مع استمرار التقليب حتى يشوح مع البصل .
- ونتركه جانبا حتى يبرد .
- نشغل الفرن حتى يسخن .
- في طبق غويط نضرب البيض وننزل عليه بالفلفل الاسود والملح والكمون والزعتر والنعناع واحنا مستمرين في الضرب وننزل بالدقيق ونضربهم كويس خمس دقايق عالاقل .
- ننزل بالبصل المحمر والفلفل بعد ما يكونوا بردوا خالص ونقلب وننزل بالبقدونس والطماطم .
- ندهن نفس الصنيه بمعلقة الزيت ونبطنها بمعلقة الدقيق وننزل بالخليط فيها
- ندخل الصنيه الفرن السخن بتاخد من 30الى 40 دقيقه على درجة حراره عاليه
- نخرجها نقطعها ونقدمها وجنبها سلطه خضره .
- وبالف هنا .
☆ طريقه اخرى لعمل العجه .
☆ طريقه عمل العجه المصريه بالبيض والدقيق *
* المقادير *
3 معلقه ك دقيق و4 بيضات حوالي مقدار حزمه خضرة مشكله شبت وكزبرة وبقدونس و 2 طماطميه متقطعه وقرن فلفل رومي او حامي 2 بصله متقطعه مكعبات ومعلقه كربانتو صغيرة ومعلقه ك خل
☆ طريقه التحضير .
هنجيب البصله علي النار ونخليها تتبدل في شويه سمنه ونحط عليها الطماطم والفلفل والتوابل ونقلبها شويه وننزلها من علي النار
في طبق غويط هنجيب البيض ونضربه ونحط الخضرة معاه وحوالي 3 معالق دقيق ومعلقه كربانتو ومعلقه الخل وملح وشطه وكمون وفلفل اسود ونقلب كل ده ونحط عليهم البصل بالطماطم والفلفل ونجيب صنيه ندهنها سمنه ونحط الخليط وندخلها الفرن حوالي ربع ساعه .
- وبالهنا والشفا .